,,Í leikskóla er gaman, þar leika allir saman” : yngstu börnin í leikskólanum

Í þessu verkefni er leikur, nám, umhverfi og foreldrasamstarf yngstu barnanna auk hlutverks leikskólakennara athugað ítarlega. Oftar en ekki eru yngstu börnin á leikskólum álitin einstaklingar án raddar og hafi því lítið um starfið á leikskólanum og umhverfið í kringum sig að segja. Aflað var upplýsinga bæði í bókum, af netinu, úr tímaritum og af heimasíðum auk þess að rýna í rannsóknir bæði erlendar sem og íslenskar varðandi efnið. Niðurstöður verkefnisins leiddu ýmislegt áhugavert í ljós. Yngstu börnin hafa mun meira frá að segja en haldið er þrátt fyrir að þau noti ekki orð til þess að tjá sig. Samskipti hjá eins til tveggja ára börnum fara að mestu leyti fram með líkamlegri tjáningu og svipbrigðum barns og þarf því leikskólakennarinn að geta lesið í þær og skilið. Umhverfi þarf að vera í takt við þroska yngstu barnanna og höfða til þeirra. Mismunandi efniviður leiðir af sér mismunandi tegundir leikja og því er mikilvægt að hafa sitt af hvoru á deildinni til þess að börnin geti fengið sínum þörfum fullnægt. Að mörgu er að huga þegar börn byrja í leikskóla, bæði hjá fjölskyldum barnsins og leikskólanum. Leikskólakennarinn þarf að leggja sig allan fram til þess að aðlögun gangi vel og að foreldrasamstarf verði eins og best er á kosið